Thursday

Спиеме со пуштено радио. Љубовни балади за мирен сон.

Посебен дел од ноќта во кој повеќето од нас се борат со алармот. Го означуваме почетокот на денот со добра музика и утринско кафенце.

Желбата за убав почеток на денот за секој на ова тешко време за живеење, полно со стресови и проблеми беше голем мотив и инспирација да се концептуира и реализира Утринското реално радио шоу “Буди го петелот“. Во него пред се даваме акцент на убавата балканска забавна ретро музика која за многумина од нас значи убави спомени за едно поубаво време во кое имаше многу повеќе дружење, забава и во кое многу повеќе се ценеа моралните и човечки вредности на кои се базираше се. Тоа време бевме многу послаби технолошки , НО сепак не бевме несреќни, напротив имаше многу повеќе лични контакти, дружење и забава. Покрај музиката која е внимателно одбрана во ова шоу на хумористичен и природен начин се сервираат информации кои не се лесно достапни на секој и секако занимливости, интересни изреки, поуки, досетки кои го прават моментот подобар. Главни улоги во оваа емисија имаат “Петелот“ (кој живее по свое и секогаш се успива) и “Комшиката“ (која по навика е ранобудна и спремна за кафе и оговарање). Тимот кој стои позади реализацијата и концептот на “Буди го Петелот“ е во состав, музика и техника Ди Џеј Пентиум, уредник и водител Горан Шојка. Во целина овој проект кој започна да се емитува на 3 март 2019 година има за цел да Ве насмее, расположи, да го направи  Вашиот работен амбиент подобар, да го разубави утрото во домашен амбиент. Слушатје “Буди го Петелот“ секој работен ден од понеделник до петок од 8 до 10 часот наутро.

[caption id="attachment_3923" align="alignleft" width="265"] 30643845 - coffee break[/caption] Во предвидениот термин за пауза во работното време или за пауза после утринските домашни обврски секој работен ден од 10 до 12 часот се дружиме во емисијата “На Пауза“. Двочасовно забавно радио шoу од кое во првиот час слушаме само музика, а потоа, вториот час по потреба во зависност од новитетите кои ги имаме за промоција одиме во живо и притоа заедно пиеме кафенце, се релаксираме со добра НОВА музика зачинета со многу информации и занимливости поврзани со најразлични сегменти од живеењето. Уредник, техника и водител Горан Шојка.

Термин во кој музика бира нашиот најверен и најредовен член Ди Џеј Пентиум. Најдобриот избор на нови и ретро забавни балкански балади. Време е за вистинско уживање.

Во периодот на транзиција прва кон втора смена на работното место се опуштате со добра музика која ја бира Пентиум. Нудиме попладневно дружење со најдобрите балкански балади. Наполнете се со свежина и убава енергија, денот е пред Вас.

Во 120 минути ги презентираме најголемите хитови од 70-тите до денес зачинети со говор и теми за разговор од секојдневието. Емисија во која се е дозволено. Патуваме низ времето со квалитетна музика и говор кои се најава за убаво и опуштено попладне. Напревете убава седенка со најблиските, пуштете радио и почувствувајте ја убавата енергија.

На почетокот на вечерта после сите дневни обврски време е да си обрнеме внимание на себе си и на она што го сакаме. Сето тоа зачинето со добра музика во која може да ја вметнеме Вашата омилена песна. Два часа во кои Вие бирате музика која Вам Ви значи спомен. Термин за уживање со добра музика и за прераскажување на случки од минатото. Совршено време за седенка со најблиските и евоцирање спомени.

На почетокот на вечерта нудиме најдобар избор на љубовни балади кои знаат да го најдат патот до Вашите срца и да Ве задржат тука. Целта е да Ве воведеме во опуштена вечер, а со тоа и да бидеме причина за убав сон.